(चित्र ओबीओ/गूगल से साभार)
ओपन बुक्स ऑनलाइन ,चित्र से
काव्य तक छंदोत्सव,
अंक-२५ में मेरी रचना
(वीर छंद या आल्हा सजता, अतिशयोक्ति से बड़ा नफीस
मात्राओं की गणना इसमें , सोलह-पन्द्रह कुल इकतीस ॥
अन्त
में गुरु,लघु )
महूँ पूत हौं भारत माँ के, अंग - अंग मा भरे उछाँह
छाती का नापत हौ साहिब , मोर कहाँ तुम पाहू थाह ॥
देख गवइहाँ झन हीनव तुम, अन्तस मा बइठे महकाल
एक नजर देखवँ तो तुरते,
जर जाथय बइरी के खाल ॥
सागर - ला छिन - मा पी जाथवँ,
छर्री-दर्री करवँ पहार
पट-पट ले दुस्मन मर जाथयँ,मन-माँ लाववँ कहूँ बिचार ॥
भगत सिंग के बाना दे दौ , अंग - भुजा फरकत हे मोर
डब-डब डबकय लहू लालबम, अँगरा हे आँखी के कोर ॥
मयँ हलधरिया सोन उगाथवँ, बखत परे धरिहौं बन्दूक ॥
उड़त चिरैया मार गिराथवँ , मोर निसाना बड़े अचूक ॥
बजुर बरोबर हाड़ा - गोड़ा , बीर दधीची के अवतार
मयँ अर्जुन के राजा बेटा , धनुस -बान हे मोर सिंगार ॥
चितवा कस चुस्ती जाँगर- मा, बघुआ कस मोरो हुंकार
गरुड़ सहीं मयँ गजब जुझारू, नाग बरोबर हे फुफकार ॥
अड़हा अलकरहा दिखथवँ मयँ, हाँसव झन तुम दाँत निपोर
भारत-माता के पूतन ला , झन समझव साहि ब कमजोर ॥
*******************************************************************************
शब्दार्थ : महूँ = मैं भी, उछाँह
= उत्साह, मोर = मेरा, पाहू = पाओगे,
हीनव = उपेक्षित करना, जर जाथय = जल जाती है, अँगरा
= अंगार, छर्री-दर्री करवँ पहार = पर्वत को चूर
चूर करता हूँ, बजुर = वज्र, चितवा
= चीता, जाँगर = देहयष्टि, मोरो =
मेरी भी, अड़हा = गँवार, अलकरहा
= विचित्र -सा, दाँत निपोर = दाँत दिखा कर हँसना, झन = मत
*******************************************************************************